因為脫咗隻智慧牙
好多野都食唔到...而且仲好痛
好肚餓..但又唔想食野
尋晚行完Expo....因為只係食左早餐，之後都冇食過野
8點幾，同老公周圍行吓，搵吓邊到食野好，而我又食得既
最後我話食河粉 or 粥，呢2樣應該都ok
咁岩經過一間食潮州粉既舖頭就坐底
我叫咗碗雲吞河、老公就食牛什粗，仲有炸魚皮
點知.....連食河粉都有D困難，要另外拎一隻碗仔黎食
太熱同有湯都食唔到....D牙肉即刻好痛
我要好慢好慢咁食....D魚皮老公比咗小小我食，仲幫我浸到好淋
而雲吞..老公幫我整到好碎先比我食
周圍D人可能以為我傻

今日有小小發燒，所以決定請病假
係屋企訓到12點幾
跟住起身煲粥食

哈哈~~~我自己煲既乾搖柱粥

真係好好味....唔知係咪冇咩野可以食得呢...覺得呢碗好豐富

食飽飽之後就食藥...醫生話要乖乖食哂D藥，唔好見唔痛就唔食(又知我會咁)

之後就係最痛苦既時刻......醫生話一定要用漱口水漱口
仲要最少30秒..真係痛到...想死..
仲要Keep住早晚一次
救命呀

4點幾...D藥開始發作.....好眼訓....之後又扮豬
點知岩岩訓著..個消防鐘又失靈，係咁響
響到成5點...可以安安落落咁訓